NEÇÜN KOKLERİÑ AĞLAY,
       SEVİMLİ QIRIM?

Neçün kokleriñ ağlay, sevimli Qırım?
Nasıl kederden başlay yırlağan yırıñ?
Salqın Salğır suvları şırıldap aqa
Ah, Qırım, seniñ alıñ goñlümni yaqa.

Yorulğan toprağıñda qurula evler,
Amma olarnı urıp, yıqalar yeller.
Baq, sen, qarışıp kete, coyula yaşlar!
Goñlüñye atıp keskin, qayralğan taşlar.

Kederletken sualler aqiqaten çoq,
Olarğa da cevaplar tapılğanı yoq!
Aytçı, sen, Ana-Yurtum, ne oldı saña?!
Neçün boyle de ağrı ve accı maña?!

Nasıl qara kopekler afırır daa?
Em «Понаезжали», — dep bağırır saña?
Nasıl kin bir hastalıq yapışır endi?
Zel’zeledey yerinden tepretip seni?

Koz’leriñ daa nasıl belâlar korer?
Nasıl bir orümçekler taqdiriñ orer?
Kim daa olurmız biz, aytçı sen, Allam?
Cevapsız suallerden pek qorqam, aman.

De oz’bek, de ukrain, de qazaq oldıq,
De çeçek kibi açtıq, de ağlap soldıq.
Neçün coyulıp kete şu Nomanlarıñ?
Ne yerde uçıp yure Amethanlarıñ?

Neçün kokleriñ ağlay, sevimli Qırım?
Nasıl satırdan başlay muñlu yırlarıñ?
Ah, añlarmı tatarlıq şu qasevetiñ?
Yoq olurmı qaranlıq başıñdan bir kun’?!

Noyabr’ 24, 2007

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s