AYSEREZ — MENIM SÖNMEZ İL’HAMIM…

Bardır Qırımda pek çoq acayip şeer,
Suvdağ ise olardan eñ guzel’ bir yer!
Taraqtaş ve Qapsıhor, Vorun ve Qutlaq,
Tabiatı tılsımlı, kokleri uzaq!

Amma menim goñlümde — Ayserez koyu,
Men içün bu koy, el’bet, cennetniñ ozü.
Sanki bir pialanıñ içinde tura,
Dertke tolğan yuregim tek mında ura.

Oz’ quçağına sarğan orman, dağları,
Ah, soñsuz, bereketli onıñ bağları.
Qayalar bir-birine sevinip baqa,
Buyuk Çeşmeniñ suvu şırıldap aqa.

İl’hamnı uyandıra bu cennet yerçik,
Omrümni canlandıra bu guzel’ koyçik.
Er vaqıt yurek mında tınçlığın tapa,
Taqdirimni renkke-renk ve bahtlı yapa.

Arzular semasında goñyulim uça,
Azap, dert ve kederden, boşluqtan qaça.
Sanki dersiñ bir ilâc onıñ avası,
Qanatsız bir quşçıqnıñ tuvğan yuvası.

Men mında quvetlenem, ruhlanam, osem,
Yel, boranlı yollardan qorqmayıp otem.
Ayserez — menim sönmez il’hamım, yırım!
Eñ aziz em de gizli, açılmaz sırım!

İyul’ 18, 2010

 

орвфайсерез

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s