Вaqayapraq

Men – dağdaki aqqan bir temiz çoqraq,
Em de yol boyu ösken baqayapraq,
De qış küneşi, de baar ayazı,
Satırlar üstünde qırılğan yazı.

Men – ebediy inqilâp ve oyuncı,
Saibsiz kölge ve coyulğan yolcu,
Ateş püskürem, şemşekler yağdıram,
Sert taqdir yüzüne şamar yandıram.

Продолжить чтение «Вaqayapraq»

 

 

*    *    *

Ağrı ateşinde yansa da yüregim,
Ümüt quçağında solsa da teregim,
Göñülimniñ teren, nazik köşesinde
Bar saqlanğan yarıq. O — menim melegim.

Taqdir degen zulum, hain bir qaşqırğa
Men olmaycam ğıda. Baş ögmeycem oña!
Olsa da boranlar, yıqsa da qayğılar,
Biraz raatlanıp, çıqarım yoluma!

İyül 7, 2014

 

 

EGER MEN QUŞ OLSA EDİM…

Eger men quş olsa edim,
Vatanımnıñ koklerinde,
Qara deñiz uzerinde,
Çağaladay uçar edim.

Eger de yel’ olsa edim,
Çatırdağnıñ bayırında,
Egri-doğru yollarında,
Ah, kezinip yurer edim.

Eger kuneş olsa edim,
Çeçeklerni, çoqraqlarnı,
Butün canlı mahlüqlarnı,
Nurlarnen qızdırır edim.

Eger men suv olsa edim
Hansaraynıñ azbarında,
Guzel’ «Koz’yaş çeşmesi»nden
Yavaş aqıp tüşer edim.

Eger ateş olsa edim,
Er yalannı, pahıllıqnı,
Yureklerde yamanlıqnı,
Yaqar da kul’ eter edim.

Eger yapa bil’se edim,
Er musul’man camisinde,
Er tatarnıñ koküsinde,
Aynen yıldız olur edim.

Sentâbr’ 14, 2007

 

1800946_614613598593944_1227317825_n.jpg