Razı oldım

«Tañ yıldızı» icra etken yır

Sen ile alemim nefesin ala,
Er saniye bahtqa, yarıqqa tola.
Ayt sevgi aqqında, şu aziz vaqtında,
Aman aldatma tek.

Seni bir kün rastkeldim men,
Göñlüm de yerini tapalmay.
Bir tatlı belâm odıñ sen,
Yaş qanım yüregimde qaynay.
Zumrut kibi közleriñde,
Şırın aqqan sözleriñde
Sevgi yaşay, sevinç aşlay.

Bağlama:
Dünya çetine sennen qaçmaq razı oldım,
Öz göñlümni saña bermek razı oldım.
Sevgi qanat kergende, yerge tüşmek bermez,
Ömür zulmet olsa da, ateşimiz sönmez.

Читать далее «Razı oldım»

Araba

Sözler — Elmara Mustafa, Asiye Abduraimova
Asiye Abduraimova icra etken yır

Zemaneviy qızlar
Arabalarnı ayday.
Bilmeyim neçün mende
Yoqtır altıncı X BMW.
Aslında men arabasız,
Ne vaqıt olur belgisiz.
Salonğa bardıq almağa
Yazıq ki, yetmedi para.
Amma epbir men arzu etem…

Bağlama:

Araba bar babamda
O tura azbarımda.
Aydamaq oñı isteyim
Er aqşam ve er saba!
Sen — dostumsıñ araba,
Sen duyasıñ, ğaliba,
Bir nefesnen, bir duyğunen
Berabermiz araba.

Читать далее «Araba»

* * *

Всё, что неожиданно изменяет нашу жизнь — не случайность. Это говорит о том, что мы уже готовы к чему-то новому и прекрасному. А перемены — это самое лучшее, что происходит в жизни любого человека. Это значит, что мы обрели смысл, мы на пороге будущего…

декабрь, 2014 г.

Вaqayapraq

Men – dağdaki aqqan bir temiz çoqraq,
Em de yol boyu ösken baqayapraq,
De qış küneşi, de baar ayazı,
Satırlar üstünde qırılğan yazı.

Men – ebediy inqilâp ve oyuncı,
Saibsiz kölge ve coyulğan yolcu,
Ateş püskürem, şemşekler yağdıram,
Sert taqdir yüzüne şamar yandıram.

Читать далее «Вaqayapraq»

Tilek

«Sevinç» gruppası icra etken yır

Ayat çapa, ayat qaynay,
Ayat biz ile oynay.
Geceler uzun ve qısqa,
Künleri – beyaz, qara.
Ne olsa olsun, bıraqma!
Bir şeyge yanma, baqma!
Tilegimni iç unutma
Em de al öz yoluñna!

Bağlama:
Er adamnıñ yüreginde,
Er balanıñ ömründe
Er daqqa küneşke tolsun,
Er künü bayram olsun!

Читать далее «Tilek»

Men — yel…

(«Men — yel…» şiirinden alınğan parça)
Zarema Halitova icra etken yır

Uçıp yürem anda-mında,
Küzniñ puslu sabasında.
Men — yel, men — coyulğan göñül,
Mekân tapalmağan ömür.
Men — yel, coyulğan göñül,
Men – yel…
Menim yaşayışım — uçuş,
Em deşetli, soñsuz uruş.
Yelnen yoldaş olıp ketem,
Buña bazan elem etem.
Men – yel…

Читать далее «Men — yel…»